gallry

• മൂന്നാം ഘട്ട സ്കൂട്ടറുകളുടെയും രണ്ടാം ഘട്ട സ്കൂൾ കിറ്റുകളുടെയും വിതരണം നടന്നു. ഞീഴൂർ ഒരുമ ചാരിറ്റബിൾ ആൻഡ് അഗ്രികൾച്ചറൽ സൊസൈറ്റിയുടെ നേതൃത്വത്തിൽ NGO കോൺഫിഡറേഷന്റെ 50% സാമ്പത്തിക സഹായത്തോടെ സ്ത്രീ ശാക്തീകരണത്തിനായി നടപ്പിലാക്കുന്ന “വുമൺ ഓൺ വീൽസ്” പദ്ധതിയുടെ മൂന്നാംഘട്ട ഇരുചക്ര വാഹന വിതരണവും, രണ്ടാംഘട്ട സ്കൂൾ കിറ്റുകളുടെ വിതരണവും *ഒരുമ ഓഡിറ്റോറിയത്തിൽ ഞായറാഴ്ച ഞീഴൂർ ഗ്രാമ പഞ്ചായത്ത്‌ വാർഡ് മെമ്പർമാരായ ശ്രീ. ബോബൻ മഞ്ഞളാമലയിൽ, ശ്രീ. ശരത് ശശി എന്നിവർ ചേർന്ന് നിർവഹിച്ചു.യോഗത്തിന് ഒരുമയുടെ പ്രസിഡന്റ് ജോസ് പ്രകാശ് കെ. കെ സ്വാഗതം ആശംസിച്ചു.വനിതകൾക്കായുള്ള 7 ആക്ടിവകളും,35 കുട്ടികൾക്ക് രണ്ടാം ഘട്ട പഠനോപകരണങ്ങളും,5 കിഡ്നി രോഗ ബാധിതർക്ക് ഡയാലിസിസ് കിറ്റുകളും വിതരണം ചെയിതു.ഒരുമ ഭാരവാഹികളായ ഷാജി അഖിൽ നിവാസ്, സുഷമ അജിപ്രകാശ് എന്നിവർ ആശംസകൾ അർപ്പിച്ചു.

Warning: Undefined array key "enable_gallery" in /home/orumach/public_html/wp-content/plugins/ave-core/shortcodes/portfolio-listing/liquid-portfolio-listing.php on line 1777

Warning: Undefined array key "enable_ext" in /home/orumach/public_html/wp-content/plugins/ave-core/shortcodes/portfolio-listing/liquid-portfolio-listing.php on line 1780

ഒരുമയുടെ ഏഴാമത് വാർഷികാഘോഷം നടന്നു. ഞീഴൂർ: ഒരുമ ചാരിറ്റബിൾ ആൻഡ് അഗ്രികൾച്ചറൽ സൊസൈറ്റിയുടെ ഏഴാമത് വാർഷിക ആഘോഷം ജില്ല പഞ്ചായത്ത് വൈസ് പ്രസിഡൻ്റ് ജോസ് പുത്തൻകാല ഉദ്ഘാടനം ചെയ്തു. ഗ്രാമപഞ്ചായത്തംഗം ശരത്ശശി അദ്ധ്യക്ഷത വഹിച്ചു. യോഗത്തിന് ഒരുമയുടെ പ്രസിഡന്റ് കെ. കെ ജോസ് പ്രകാശ് സ്വാഗതം ആശംസിച്ചു. ഞീഴൂർ ഉണ്ണിമിശിഹാ പള്ളി വികാരി റവ.ഫാദർ ഫിലിപ്പ് രാമചരനാട്ട് അനുഗ്രഹ പ്രഭാഷണം നടത്തി. ഒരുമ നിർമ്മിച്ച സ്നേഹാലയത്തിൻ്റെ ഉദ്ഘാടനം വൈക്കം നഗരസഭ ചെയർപേഴ്സൺ പ്രീതാ രാജേഷ് നിർവഹിച്ചു. ഓഡിറ്റോറിയത്തിൻ്റെ ഉദ്ഘാടനം ഉഴവൂർ ബ്ലോക്ക് പഞ്ചായത്ത് വൈസ് പ്രസിഡൻ്റ് സിന്ധു മോൾ ജേക്കബ് നിർവഹിച്ചു. ചടങ്ങിൽ ഗാനരചയിതാവും തിരക്കഥാകൃത്തുമായ സുദാമശു, ഞീഴൂർ ഗ്രാമപഞ്ചായത്ത് പ്രസിഡന്റ് ശ്രീകല ദിലീപ്, വാർഡ് മെമ്പർമാരായ ബോബൻ മഞ്ഞളാമലയിൽ, ശ്രീലേഖ മണിലാൽ, എസ്.എൻ.ഡി.പി.ശാഖ സെക്രട്ടറി പി. എസ് വിജയൻ തുടങ്ങിയവർ പങ്കെടുത്തു. ചടങ്ങിൽ 30 നിർധന രോഗികൾക്ക് ചികിത്സാ സഹായം, 10 പേർക്ക് മരുന്ന്,,കിഡ്നി രോഗബാധിതരായ 15 പേർക്ക് ഡയാലിസിസ് കിറ്റ്, നാഷണൽ എൻ.ജി.ഒ. കോൺഫെഡറേഷൻ 50 ശതമാനം സാമ്പത്തിക സഹായത്തോടെ സോഷ്യൽ ബി വെഞ്ചേഴ്സിനാൽ നൽകുന്ന സ്കൂൾ കിറ്റുകൾ, 50 ശതമാനം ഒരുമ ചാരിറ്റബിൾ സൊസൈറ്റിയും വഹിച്ചുകൊണ്ട് 170 കുട്ടികൾക്ക് സൗജന്യ പഠന കിറ്റുകളും, എൻ.ജി.ഒ. കോൺഫിഡറേഷൻ 50 ശതമാനം സാമ്പത്തിക സഹായത്തോടെ സ്ത്രീ ശാക്തീകരണത്തിനായി 11 സ്ത്രീകൾക്ക് തയ്യൽ മെഷീനുകളും വിതരണം ചെയ്തു.തന്റെ ചെറു പ്രായം മുതൽ 85 ആം വയസ്സിലും ആലയിൽ പണിചെയ്ത് ഉപജീവനം നടത്തുന്ന ശിവരാമൻ ചെങ്ങന്താനത്തെയും, ഒരുമയുടെ 6 വീടുകളുടെ നിർമ്മാണ പ്രവർത്തനം നിർവഹിച്ച ശിവദാസ് കൂരാപ്പള്ളിയെയും, രാജു കാവാലിയെയും ചടങ്ങിൽ ആദരിച്ചതോടൊപ്പം വിവിധ പരീക്ഷകളിൽ ഉന്നത വിജയം കരസ്ഥമാക്കിയ 28 കുട്ടികളെ അനുമോദിക്കുകയുംചെയ്തു. ഒരുമ പൂർണ്ണ വിദ്യാഭ്യാസത്തിന് ഏറ്റെടുത്തിരിക്കുന്ന കുട്ടികൾ അവതരിപ്പിച്ച കലാപരിപാടികൾ, ക്ഷത്രിയ കളരി സംഘം ഇലഞ്ഞി അവതരിപ്പിച്ച കളരിപ്പയറ്റ്, മാജിക് സാമ്രാട്ട് മജീഷ്യൻ ബെൻ അവതരിപ്പിച്ച മാജിക് ഷോ എന്നിവയും നാടന്നു. ആരോരുമില്ലാതെ ഓർഫണേജിൽ കഴിഞ്ഞിരുന്നതും. അവിടെ നിന്നും ജീവിത യാത്രയിൽ ഒറ്റപെട്ട് തലച്ചോറിൽ വെള്ളം കെട്ടുന്ന അസുഖം ബാധിച്ച സഹോദരിയെ ചികിൽസിച്ചിരിക്കവേ സഹോദരിയുടെ 9 വയസ് പ്രായമായ കിഡ്നി രോഗ ബാധിതയായ കുട്ടിക്കുമായി ഒരുമയുടെ സ്നേഹ ഭവനം പദ്ധതിയിലെ ഏഴാമത്തെ ഭവനമായി നിർമിച്ചു നൽകുവാനും യോഗത്തിൽ തീരുമാനം എടുത്തു.

ആക്ടിവ രണ്ടാം ഘട്ട വിതരണം എൻ.ജി.ഒ. കോൺഫെഡറേഷന്റെ 50 ശതമാനം സമ്പത്തീക സഹായത്തോടെ സ്ത്രീ ശാക്തീകരണത്തിനായ് “വുമൺ ഓൺ വീൽസ്” എന്ന പദ്ധതിയിലൂടെ നൽകുന്ന ആക്ടിവ സ്കൂട്ടറിൻ്റെ രണ്ടാം ഘട്ട വിതരണം നടന്നു.രണ്ടാം ഘട്ടത്തിൽ 16 സ്കൂട്ടറുകൾ ആണ് വിതരണം ചെയ്തത് ഒരുമ ചാരിറ്റബിൾ ആൻഡ്‌ അഗ്രികൾച്ചറൽ സൊസൈറ്റിയുടെ നേതൃത്വത്തിൽ ഒരുമ ഓഡിറ്റോറിയത്തിൽ നടന്ന ചടങ്ങിൽ ഞീഴൂർ ഗ്രാമ പഞ്ചായത്തംഗം ശരത് ശരി വാഹനത്തിൻ്റെ താക്കോൽ കൈമാറി.ചടങ്ങിൽ ഒരുമ പ്രസിഡൻ്റ് കെ.കെ.ജോസ് പ്രകാശ് അദ്യക്ഷത വഹിച്ചു. സെക്രട്ടറി ശ്രുതി സന്തോഷ്, സിജ്ഞ ഷാജി,ജോയി മൈലം വേലിൽ, സനിൽകുമാർ, ഷാജി, ലൈല, അർച്ചന,സുധ മോഹനൻ,സുഷമ അജി പ്രകാശ് തുടങ്ങിയവർ നേത്യത്വം നൽകി

ലിഷാ സുധനനും മകളും അടച്ചുറപ്പുള്ള വീട്ടിലേക്ക് സ്വന്തമായി സ്ഥലമോ, വിടോ ഇല്ലാതിരുന്ന കുറവിലങ്ങാട് വയലാ ഇടച്ചേരിയിൽ വിധവയായ ലിഷാ സുധനനും, മകൾക്കും സ്വന്തം വീട്ടിൽ അന്തിയുറങ്ങാം. ഞീഴൂരിൽ പ്രവർത്തിക്കുന്ന ഒരുമ ചാരിറ്റബിൾ സൊസൈറ്റിയുടെ “സ്നേഹഭവനം” പദ്ധതിയിലൂടെ നിർമ്മിച്ചു നൽകുന്ന ആറാമത്തെ വീടാണിത്. അസുഖബാധിതനായ സുധ ന ൻ വിട് നിർമ്മാണത്തിന്നിടയിലാണ് മരണപ്പെടുന്നത്. വീടിൻ്റെ താക്കോൽ ദാനം മോൻസ് ജോസഫ് എം.എൽ.എ നിർവഹിച്ചു. ഒരുമ പ്രസിഡണ്ട്‌ ജോസ് പ്രകാശ് കെ. കെ സ്വാഗതം ആശംസിച്ച ചടങ്ങിൽ ഞീഴൂർ ഗ്രാമ പഞ്ചായത്ത് പ്രസിഡൻ്റ് ശരത് ശശി അദ്യക്ഷത വഹിച്ചു. കാളികാവ് സെന്റ്. സെബാസ്റ്റ്യൻ ചർച്ച് വികാരി റവ :ഫാ : ജോസഫ് പാണ്ടിയമാക്കൽ,കുറവിലങ്ങാട് ഗ്രാമപഞ്ചായത്ത് മെമ്പർ ശ്രീമതി രമ രാജു,കടപ്ലാമറ്റം ഗ്രാമ പഞ്ചായത്ത്‌ മെമ്പർ ഷിബു പോതംമാക്കിയിൽ, ഷിജോ എസ്. ആർ ശ്രീനിലയം, കാളികാവ്, ഞീഴൂർ ഗ്രാമ പഞ്ചായത്ത്‌ മെമ്പർ ബോബൻ മഞ്ഞളാമലയിൽ തുടങ്ങിയവർ ആശംസകൾ അർപ്പിച്ചു

ഞീഴൂർ,കൊച്ചുതോട് മാലിന്യമുക്തമാക്കി ഒരുമ… ഞീഴൂർ :നദികളും തോടുകളും മാലിന്യമുക്തമാക്കണമെന്നും നദികളെ സംരക്ഷിക്കണമെന്നും, ആവശ്യപ്പെട്ടുകൊണ്ട്,എൻജിഒ കോൺഫെഡറേഷൻ നാഷണൽ ചെയർമാൻ അനന്തകുമാർ കേരളത്തിലെ 44 നദികളിലേക്കും നടത്തുന്ന നദി സംരക്ഷണ യാത്രയ്ക്ക് ഐക്യദാർഢ്യം പ്രഖ്യാപിച്ചുകൊണ്ട്,ഒരുമ ചാരിറ്റബിൾ സൊസൈറ്റിയുടെ അംഗങ്ങൾ ഞീഴൂരിന്റെ കൊച്ചുതോട് മാലിന്യമുക്തമാക്കിയത്…. ഒരുമയുടെ 33 അംഗങ്ങളും 11 കുട്ടികളും പങ്കെടുക്കുന്ന ശുചീകരണ യജ്ഞം രാവിലെ 6. 30ന് ആരംഭിച്ചു. ശുചീകരണ പ്രവർത്തനത്തിന് ഒരുമയുടെ പ്രസിഡണ്ട് കെ കെ ജോസ് പ്രകാശ്,രവി, കെ പി വിനോദ്,ജോയ് മയിലംവേലി,റോബിൻ, ജോമോൻ, മണിലാൽ, സിൻജാ ഷാജി ശ്രുതി സന്തോഷ്,അർച്ചന ഹരിദാസ്,സുധ മോഹൻ എന്നിവർ നേതൃത്വം നൽകി.

എൻ.ജി.ഒ. കോൺഫെഡറേഷന്റെ 50 ശതമാനം സമ്പത്തീക സഹായത്തോടെ സ്ത്രീ ശാക്തീകരണത്തിനായ് “വുമൺ ഓൺ വീൽസ്” എന്ന പദ്ധതിയിലൂടെ കോട്ടയം ജില്ല തല ഉദ്ഘാടനം ഞീഴൂരിൽ നടന്നു. ഒരുമ ചാരിറ്റബിൾ ആൻഡ്‌ അഗ്രികൾച്ചറൽ സൊസൈറ്റിയുടെ നേതൃത്വത്തിൽ ഞീഴൂർ ലേ ഗ്രാൻഡ് ഓഡിറ്റോറിയത്തിൽ നടന്ന പരിപാടി മോൻസ് ജോസഫ് എം.എൽ.എ. ഉദ്ഘാടനം ചെയ്തു. ഞീഴൂരിൽ നടന്ന ചടങ്ങിൽ 79 ആക്റ്റീവ സ്കൂട്ടറുകളുടെ വിതരണോ ഉദ്ഘാടനം ചെയ്തു. എൻ.ജി.ഒ.കോൺഫെഡറേഷൻ ജില്ല പ്രസിഡൻ്റ് മാത്യു അധ്യക്ഷത വഹിച്ചു. ആറാം ഘട്ട ലാപ്ടോപ്പ്കളുടെ വിതരണ ഉദ്ഘാടനം ജില്ലാ പഞ്ചായത്ത്‌ അംഗം അഡ്വക്കേറ്റ് ഷോൺ ജോർജ് നിർവഹിച്ചു അർച്ചന വുമൺസ് സെന്റർ പ്രസിഡൻ്റ് ത്രേസ്യാമ്മ മാത്യു, ഞീഴൂർ ഉണ്ണിമിശിഹാ പള്ളി വികാരി റവ. ഫാ. സജി മേത്താനത്ത്, ജില്ല പഞ്ചായത്തംഗം ഷോൺ ജോർജ്, ഉഴവൂർ ബ്ലോക്ക് പഞ്ചായത്ത് വൈസ് പ്രസിഡൻ്റ് ഡോ. സിന്ധു മോൾ ജേക്കബ്, ഞീഴൂർ ഗ്രാമപഞ്ചായത്ത് പ്രസിഡൻ്റ് ശ്രീകല ദിലീപ്, സിസ്റ്റർ ക്രിസ്റ്റി, ഫാ.ബിനോ ചാരിയൽ, പഞ്ചായത്തംഗങ്ങളായ ശരത് ശശി, കെ. ഡി.അശോക് കുമാർ, ബോബൻ മഞ്ഞളാമലയിൽ, വിജയകുമാർ, ജവഹർ മെമ്മോറിയൽ പ്രസിഡൻ്റ് പി.വി തങ്കമ്മ, അനന്ദവല്ലി, ഒരുമ ചാരിറ്റബിൾ സൊസൈറ്റി പ്രസിഡൻ്റ് കെ.കെ.ജോസ് പ്രകാശ് എന്നിവർ പ്രസംഗിച്ചു.ചടങ്ങിൽ ദേശിയ കളരിപ്പയറ്റ് ചാമ്പ്യൻഷിപ്പിൽ മെഡൽ നേടിയവരെയും അവരുടെ ഗുരുക്കൻമാരെയും, സാമൂഹിക പ്രവർത്തക രംഗത്ത് ചെറു പ്രായത്തിൽ മികവ് തെളിയിച്ച skps പത്താം ക്ലാസ്സ്‌ വിദ്യാർത്ഥിനി ലയ മരിയ ബിജുവിനെയും ആദരിച്ചു

കാരുണ്യ കരങ്ങളുമായി ഒരുമ പാലായിൽ പാലാ ഇല്ലിക്കൽ വേങ്ങപ്പള്ളിയിൽ പ്രകാശിന്റെയും ഓമനയുടെയും മകൻ പ്രശാന്ത്‌ വർഷങ്ങൾക്കപ്പുറം ഫിക്സ് വന്ന് വീഴുകയും ശരീരപേശികൾ വലിഞ്ഞുമുറുകി കൈകാലുകൾക്ക് ബലമില്ലാതെ എഴുന്നേറ്റ് നടക്കുവാൻ പോലും പറ്റാത്ത അവസ്ഥയിൽ പരസഹായം ഇല്ലാതെ ഹോസ്പിറ്റലിൽ കൊണ്ട് പോകാൻ പറ്റാത്ത അവസ്ഥയിൽ ഇരിക്കുമ്പോൾ ആണ് ഒരുമ പ്രവർത്തകർ പ്രശാന്തിന്റെ വീട്ടിൽ എത്തുന്നത്. പ്രശാന്തിന്റെ ദുരവസ്ഥ മനസ്സിലാക്കിയ ഒരുമ പ്രവാർത്തകർ പ്രശാന്തിനെ പാലാ ജനറൽ ഹോസ്പിറ്റലിൽ കൊണ്ട് പോയി ഡോക്ടറെ കാണുകയും പ്രശാന്തിനെ പിടിച്ചു നടത്തിക്കുകയും മറ്റും ചെയ്താലേ പൂർവ സ്ഥിതിയിൽ ആവുകയുള്ളു എന്ന് പറഞ്ഞതനുസരിച് ഒരുമയുടെ പ്രസിഡന്റ് കെ കെ ജോസ് പ്രകാശ് പ്രവർത്തകരായ സിൻജാ ഷാജി, രാജഗോപാൽ, മുഹമ്മദ്‌ ഷമീർ, ദിനേശ് റോബിൻ കുഞ്ഞുമോൻ എന്നിവർ പ്രശാന്തിന്റെ വീട് വീണ്ടും സന്ദർശിച്ചു പ്രശാന്തിനെ നടത്തിക്കുവാൻ ശ്രെമിക്കുകയും കൂടാതെ,ഇതേ അവസ്ഥയിൽ തലയോലപറമ്പിൽ നട്ടെല്ലിന് ക്ഷതം സംഭവിച്ച നടുത്തറയിൽ രതീഷിനെ കമ്പം തിരുമു കേന്ദ്രത്തിൽ പലതവണ കൊണ്ട് പോയി ചികിത്സ നടത്തി രതീഷിന് വളരെ കൂടുതൽ മാറ്റം വന്നതിനാൽ പ്രശാന്തിനെയും ഉടൻ തന്നെ കമ്പം തിരുമു കേന്ദ്രത്തിൽ കൊണ്ട് പോകുവാനും ഉറപ്പിച്ചാണ് ഒരുമ പ്രവർത്തകർ പ്രശാന്തിന്റെ വീട്ടിൽ നിന്നും മടങ്ങിയത്.

കുടിവെള്ള വിതരണവുമായി ഒരുമ

അന്നദാനം മഹാദാനം

ചികിത്സാസഹായം നൽകി. ഞീഴൂർ ഒരുമ ചാരിറ്റബിൾ സൊസൈറ്റി മാരക രോഗബാധിതരായ നിർദ്ധന രോഗികൾക്ക് ചികിത്സാസഹായം നൽകി

About

Contact

Social